После сè што ѝ се случи во животот, загубата на сопругот, најдобарата пријателка Сара, членовите на бендот „ДНК“ кои ѝ беа како семејство, татко ѝ, Ана Костадиновска гордо стои на сцената.
Таа вчера настапила на концертот во чест на нејзиниот татко, маестро Кире Костов во Скопје и ги пеела токму песните со кои израснала, во улога на придружен вокал. Ана објави стори на Инстаграм од овој настан на кој се гледа со колкава емоција и носталгија пее.
Сара Пројковска и Ана Костадиновска беа тандем кој ретко се повторува. Едната професор по пијано на Факултетот за музичка уметност, другата професор по пеење во ДМБУЦ „Илија Николовски- Луј“. Заедно, тие беа придружни вокали на речиси сите наши пејачи и манифестации, сѐ до 16 март. А, приватно, биле блиски како сестри.
Последниот стих заедно го испејаа токму на тој ден, 16 март во Кочани, во дискотеката „Пулс“, каде што Сара, заедно со уште 63 млади луѓе, трагично го загуби животот во пожарот.
Ана Костадиновска е самохрана мајка. Нејзиниот сопруг Бобан почина од канцер за само неколку месеци откако му бил дијагностициран, во 2022 година. Таа продолжува професионално да настапува и да предваа пеење, и да се грижи посветено за својата ќерка.
Во јули во 2023 година, животот на Ана ѝ зададе уште еден удар. Почина нејзиниот татко, легендарниот композитор Кире Костов. На 14 октомври годинава, таа го загуби и својот голем пријател, Владимир Блажев-Панчо од „ДНК“.
