Легендарниот рок-пејач Ален Исламовиќ во своето последно интервју се потсети на почетоците на својата кариера во 80-тите години и откри еден малку познат детаљ, дека бил запишан на Економскиот факултет во Сараево, но патот го одвел на сосема друга страна.
Иакo многумина го гледале како иден економист, Ален вели дека музиката била посилна од сè. Тој во Сараево го почнал своето високо образование, но набрзо сфатил дека неговиот живот се рефлекторите и сцената, а не канцеларијата и бројките.
Музиката како приоритет
На прашањето како денес балансира меѓу приватниот и деловниот живот, Исламовиќ истакна дека тајната е во добрата организација и приоритетите кои ги поставил уште како млад.
„Јас секогаш однапред ги планирам своите концерти. Го знам распоредот за три-четири месеци однапред. Уште тогаш ги поставив приоритетите околу музиката и сметам дека секој потег во животот ми беше правилен“, објаснува пејачот.
Исламовиќ додава дека никогаш повеќе не се вратил на факултетот, ниту како посетител, но дека ниту во еден момент не зажалил за таа одлука, бидејќи му овозможила да стане една од најголемите ѕвезди на просторите на поранешна Југославија.
