Српската музичка ѕвезда Александра Пријовиќ синоќа го одржа 63-тиот и последен концерт во рамките на турнејата „Од исток до запад“, со кој ги собори сите рекорди во регионот.
Пријовиќ по концертот наздравила со медиумите, па најавила медиумска пауза и заминување на заслужен одмор.
– 63-тиот концерт ми беше вечерва. Плачев многу и додека камерите не снимаа, емотивно е секако. Но, не може ниту оваа турнеја да трае вечно, одиме понатаму. Одам на одмор. Не знам кога ќе се вратам. Одам дома да ги прегрнам Филип и Аки, така ќе прославам – порачала Александра.
Меѓутоа, пред да престане да настапува, Александра ја чекаат уште два големи настани – дочекот на Нова година и реприза ден потоа. Александра за Нова година ќе настапува на Златибор, во простор кој прима 1.400 лица, а само што картите биле пуштени во продажба, пејачката веднаш продала 1.350. Цените на картите се движат од 80 до 300 евра, во зависност од позицијата на масите и столовите во салите.
Како што успеала да дознае српска „Република“, само од продажба на картите за прославата за Нова година, Пријовиќ ќе заработи нешто помалку од 200.000 евра.
За реприза на Новата година, Александра ќе пее во Црна Гора, поточно во Бар, каде ноќта пред неа ќе настапува фолк ѕвездата Драгана Мирковиќ.
Како што порано се пишуваше, Пријовиќ за реприза на Новата година ќе добие 100.000 евра.
Само ден подоцна, во овој град ќе настапува кумот на Александра, Ацо Пејовиќ.
