Српската пејачка Александра Младеновиќ се огласи по итната операција. Како што првично напиша „Информер“, Александра имаше операција на крајниците пред девет дена, а сега се опоравува опкружена со семејството и пријателите.
– Операцијата на крајниците помина добро. Малку ме боли, што е очекувано, закрепнувањето оди одлично. Бев во рацете на одличен медицински тим, сите мои најблиски се со мене и искрено, цел ден одмарам. Не сум откажала настапи и немам намера да ги откажам, бидејќи планирав да направам пауза по празниците за да го решам овој здравствен проблем. Наскоро ќе се вратам и едвај чекам да пеам пред мојата публика – рекла таа.
Да потсетиме, Александра Младеновиќ беше принудена да се подложи на хируршка интервенција поради долгогодишни проблеми со чести и хронични воспаленија на крајниците, што неодамна ѝ го отежнуваше секојдневното функционирање, како и професионалните обврски.
