Познатиот продуцент Саша Мирковиќ и балканската ѕвезда Аца Лукас се огласија на своите профили на Инстаграм по исповедта на натпреварувачот на „Ѕвезде Гранда“ Душан Вукадиновиќ, кој ја обвини Снежана Ѓуришиќ дека од мајка му барала пари за нејзиниот син да оди понатаму во натпреварувањето.
Мирковиќ во својот пост потврди дека вакви злоупотреби се случуваат во споменатата популарна емисија:
– Апсолутно точно! Ова е вистинската причина зошто Александар Вуксановиќ го напушти жирито на „Звезде Гранда“. Пред неколку години утврдил дека на децата им бараат пари, па го напуштил жирито и се расправал со Поповиќ за тоа“ – напиша продуцентот.
На сето музичката ѕвезда Аца Лукас на својот Инстаграм додаде:
-Согласен! – напиша Лукас.
И денес продолжуваат скандалите поврзани со „Ѕвезде Гранда“. Имено, сите членови на жирито, но и Саша Поповиќ ги демантираа неговите тврдења.
Сега по тој повод се огласи и Саша Поповиќ.
„Аца Лукас од Ѕвездите на Гранд си замина во договор со својот тогашен менаџер, исклучително поради своите лични интереси. Лага е дека си замина поради проблеми во нашата емисија, лага е дека билокога се искарал со мене, лага е дека „Ѕвездите на Гранд“ се натпревар на кој биле земени пари од натпреварувач. Се ова тој добро го знае, но сепак од свои лични интереси зборува лаги“, порача креативниот директор на Гранд.
