Драмата на Макејла Коел во продукција на „HBO“ за сексуално злоставување „I May Destroy You“ која го доведува прашањето за согласноста не беше номинирана за Златен глобус претходно оваа година, што изненади многумина. Серијата базирана на сопствените искуства на авторката беше пофалена како една од најинтересните и највлијателните серии, па се очекуваше да го добие заслуженото признание.
View this post on Instagram
Серијата сепак ја освои наградата „BAFTA“, а сега Коел, која ја смислила серијата и го толкуваше главниот лик, ја освои својата прва „Emmy“ награда. Видно трогната, се качи на сцената и ја прими наградата за најдобро сценарио. Притоа, таа го прочита својот говор воодушевувајќи ја публиката.
Таа ги покани другите писатели да напишат приказна што ги плаши, прави да се чувствуваат несигурно, која не е пријатна.
„Ве предизвикувам“, рече Коел.
View this post on Instagram
„I May Destroy You“ го следи животот на писателката Арабела, која се буди едно утро со повреда и многу нејасно сеќавање на сексуален напад, и тоа е настан што го доживеала самата Коел. Во нејзиниот пијалaк била вметната дрога за силување, по што била нападната од непознат маж во бар.
На крајот од својот говор, авторката ја посвети наградата на „сите оние кои биле жртви на сексуален напад“. После тоа, публиката стана и ја поздрави со најдолги овации.
