Бизнисменката од Гватемала за која се верува дека го измислила „Среќниот оброк“ или „Happy Meal“ од „Мекдоналдс“ починала на 6 септември оваа година на 87-годишна возраст.
Јоланда Фернандез де Кофињо и нејзиниот сопруг Хозе Марија Кофињо го отвориле првиот „Мекдоналдс“ во Гватемала во 1974 година, а Јоланда го водела до 2018 година кога бизнисот им го препуштила на своите деца.
„Среќниот оброк“ бил измислен во 1970-тите кога дошла до идеја да создаде оброк што ќе им помогне на родителите полесно да ги хранат своите деца.
View this post on Instagram
На официјалниот инстаграм-профил на „Мекдоналдс“ во Гватемала се појави специјална објава по повод смртта на Јоланда.
„Мекдоналдс Гватемала длабоко жали за смртта на својата претседателка Јоланда Фернандез де Кофино. Ова без сомнение е еден од најтешките моменти за семејството, компанијата и илјадниците нејзини соработници во Гватемала“, се вели во соопштението.
