Пејачот на групата „Некст тајм“, Стефан Филиповски ги растажи своите бројни обожаватели објавувајќи една стара фотографија со прерано починатиот Влатко Илиевски.
„Бон Џови и Ковердејл. Оваа слика е пред да бидете јас и Мартин – „Некст тајм“. Пред петнаесет години“, стои во описот на објавата на Стефан која завршува со емотикон со натажено лице.
View this post on Instagram
Животот на нашата рок – ѕвезда прерано зграсна. Во негово сеќавање лани беше објавена и компилација од неговите најголеми музички хитови под наслов „За љубов се пее до крај“.
Илиевски остана вечен непребол за целата македонска јавност, а зад себе остави многу песни со кои го продолжуваме сеќавањето за човекот со моќен глас.
Покрај Стефан, бројни колеги од музичката сцена и пријатели преку социјалните мрежи често знаат да споделат фотографии од убавите дружења и настапи со Влатко кои засекогаш ќе останат во нивните срца како убави спомени.
