Американскиот оскаровец и режисер Вуди Ален (83), кој по обвиненијата дека ја злоставувал својата ќерка се соочил со презир од колегите од филмската индустрија, не може да најде издавачи за неговите мемоари, пишува Њујорк тајмс.
Изгледа никој не сака да ги објави новите мемоари на Вуди Ален бидејќи тој во Америка стекнал статус на „персона нон грата“, односно непожелна личност.
Ален минатата година својата книга им ја понудил на различни издавачи, но сите ја одбиле поради страв од негативен публицитет. Главните луѓе во американските издавачки куќи веруваат дека за нив соработката со режисерот би била погубна.
Многу актери и актерки кои порано работеле со Ален, се дистанцирале од него и рекле дека веќе немаат намера да соработуваат со него.
