Израелскиот супермодел Бар Рефаели (33), водителката на овогодинешниот Евросонг во Тел Авив, мора на државата да ѝ плати околу 2 милиони евра данок.
Освен тоа, израелското Министерство за правосудство објавило дека ќе мора да плати и 30.000 евра судски трошоци. Рефаели е обвинета дека во целост не ги пријавила своите милионски заработки во Израел и во странство.
Иако изјавила дека во спорниот период, 2009 година, поголемиот дел од времето не престојувала во Израел, судот поинаку пресудил. Наводно плаќала многу ниска кирија за својот скапоцен стан во Тел Авив, а луксузниот автомобил го добила за својата напорна работа.
Пред судот открила дека во 2009 година била во врска со Леонардо Дикаприо, со кого и живеела.
„Бевме во сериозна врска и тогаш не бев жител на Израел. Не морам да го плаќам израелскиот данок ако парите ги заработувам во друга земја – рекла Рефаели.
Во целиот случај се вмешани и нејзините родители кои се обвинети за „перење пари“.
