Инфлуенсерката и поранешна водителка Миа Костова со емотивна објава на социјалните мрежи го прослави 13. роденден на својот син Андрија, кој од сега официјално е тинејџер.
Роденденот го дочекале на летување во камп во Грција, каде што Андрија славеше со торта, пријатели на својата мајка и другарчиња од кампот. Костова сподели неколку фотографии од моментот пред Андрија да ги дувне свеќичките.
„Сум имала простор за многу одлуки во животот. Тој е мојата најдобра животна одлука. Тој си дојде како ѕвезда без прашање, а денес е моето небо и одговор на секое прашање. Неговото ‘мама’ е моето постоење. Те сакам сине! Биди само ваков, здрав и жив, мама има една магична метла да чисти сè пред тебе и зад тебе. Засекогаш“, напиша таа.
Во свој препознатлив стил, Костова објави и кратко видео во кое на шеговит начин прикажува како нејзиното „мало дете“ веќе е повисок од неа. Во видеото прво се појавува сама, со натпис: „Му кажав дека имам син и ме праша дали е тригодишен“, по што го повикува Андрија и се гушкаат насмеани.
„Брзо растат, нели?“, стои во описот на видеото кое брзо ги освои симпатиите на нејзините следбеници.
