Пејачката Александра Пријовиќ го помина своето детство во хрватскиот град Бел Манастир, каде живеела со мајка ѝ, баба и дедо. Таму завршила основно образование и тригодишно средно образование.
Тимот на српската емисија „Папарацо лов“ дошол во градот каде што пораснала Пријовиќ со цел да дознае што мислат соседите за познатата пејачка и да ја сними нејзината куќа.
Соседите велат дека одамна не ја виделе, но се горди на неа. Една жена открила дека Пријовиќ играла одбојка со нејзината ќерка и дека отсекогаш сакала да пее.
Порано некои од соседите ја гледале како го шета кучето со мајка ѝ, но велат дека одамна не ја виделе во Бел Манастир. Тие се многу горди на неа бидејќи некој од нивното место е толку успешен.
Иако некои отсекогаш знаеле дека е талентирана, некои за неа дознале дури кога се појавила во музичкото шоу „Ѕвездите на Гранд“.
Еден локален жител изјавил дека штотуку поминале покрај нејзината мајка Борка, која живее во таа куќа. Потоа се запознале со една мештанка која ја познавала покојната баба на Александра, Драгица, која била пејачка на кафеана, а тој талент им го пренела на ќерката и на внуката.
