Само два месеци откако ја изненади регионалната сцена со долгоочекуваната песна „Ние“ за која сними и видео спот, Дино Мерлин во новата година влезе со нова музичка сензација.
За време на онлајн дочекот на 2021 година, светот се воодушеви од новиот дует на Мерлин со првата дама на трап сцената – Сенида.
Песната „Dođi“ или „Дојди“ предизвика вистинска експлозија на „Јутјуб“ и социјалните мрежи, видеото беше прегледано дури 200.000 пати за помалку од два часа. А сега видеото има 3,897,268 прегледи.
„После долгата и исцрпувачка турнеја „Хотел Национал“, се обидов повторно да го пронајдам својот мир, одмор од светот и луѓето, па решив да отпатувам во еден голем град каде, бегајќи од сè, се обидов да се вратам на себе, за да дознаам дека не можам да бидам сам“, објаснува Дино Мерлин за „Индекс“.
„Така настанаа првите стихови од оваа песна, а Сенида беше совршен партнер за овој дует, како ехо и втор глас“, вели сараевскиот музичар.
Самата најава за оваа, навистина неочекувана, музичка соработка на социјалните мрежи предизвика ерупција на ентузијазам. Видеото заврши на тренд листите на најгледани видеа во регионот на „Јутјуб“. Без сомнеж „Дојди“ веќе станува радио и интернет хит.
Покрај интересната мелодија на песната, спотот е фасцинантна фузија на традиционалното минато и минатото. Видеото се снимало во Сараево и Лукомир и е во режија на словенскиот режисер Кукла.
„Соработката со Дино за мене е остварување на сонот, моето срце е исполнето… Уште еднаш си докажав дека она што се сака со целото битие и душа е остварливо. Ова е вистински доказ и мотивација за во иднина. Ништо не е невозможно и сега слободно можам да продолжам да сонувам“, изјави словенско – црногорската пејачка Сенидах.
„Оваа година дефинитивно беше различна за сите нас, времето поминуваше чудно и се случуваа чудни работи. Снимањето го поделивме во неколку фази и секој нареден пат нашата енергија се ширеше и стануваше посилна. Открив и преубави делови од Босна, запознав драги луѓе, а Дино толку добро се грижеше за мене и не дозволуваше ништо да недостасува“, вели 35-годишната пејачка.
Преземено од Слободен Печат.
