Драган Спасов – Дац на 20 април го прослави својот 59-ти роденден, а на истиот ден актерот по втор пат заплива во брачните води. Без да знае, во тајност и со помош на најблиските пријатели, неговата долгогодишна партнерка, а сега веќе и официјална сопруга, Весна Терзиевска организирала матичар и мини прослава во еден познат скопски ресторан.
Еден месец подоцна, уште една свадбена прослава во семејството Спасови. Вчера постариот син на актерот, Јаков стапи во брак сои својата избраничка, Софија Христова, односно веќе Софија Спасов.
Добра музика, убави гости, многу насмевки и танцување ја украсија свадбената прослава, а Јаков и Софија како младенци изгледаа магично. Модниот избор на невестата беше уникатен.
Прекрасната Софија за својот свадбен ден се одлучи за кратки панталони од светкав материјал и топ во црно – белa боја. Изгледот го заокружи со елегантни високи потпетици (кои подоцна ги замени со бели патики) и лелеава бела полу-наметка. Модниот избор на невестата го истакна нејзиното совршено обликувано тело и уникатните тетоважи.
Младоженецот Јаков беше облечен во елегантен костим со интересен дезен. Покрај младите и нивните семејства беа прекрано стилизирани, но како наш фаворит покрај невестата, тука е и модниот избор на Дац.
Свадбената прослава се одржа во познат скопски свадбен ресторан, а за музиката беа задолжени познат македонски бенд, диџеј и се разбира, легендарното дуо Дац и Александар Митевски.
Дац на својот фејсбук – профил објави уште еден момент од свадбената прослава исполнет со многу емоции и љубов. Актерот им посвети песна на на синовите, ќерката и снаата Софија.
„Има нешто што не можеш да напишеш, затоа што веќе е напишано. Но затоа можеш да го отпееш.Само за Јаков, Стефан, Јана и Софија!“ – стои во описот на видеото.
