Актерот Лазар Ристовски и неговата партнерка Аница Лазиќ уживаат во својата љубов веќе неколку години. Тие сега покажаа како го прославуваат Велигден, заминувајќи на празнично патување далеку од градската гужва, што го споделија и со јавноста.
Двојката отпатувала на море и ги покажала заедничките моменти на уживање – најпрво за време на возење со брод, каде лесниот ветер и погледот кон планините што се спојуваат со морето создаваат романтична атмосфера. Косата на Аница се вее на ветрот, додека Лазар опуштено ужива во возењето и погледот кон далечината.
Романтичната приказна продолжува и во ресторан на крајбрежјето, каде што седнале веднаш до водата. Држејќи се за рака, тие разменуваат нежности.
Фотографиите што ја пренесуваат атмосферата покажуваат дека парот ужива во празникот без разлика каде се наоѓа, сè додека се заедно.
Да потсетиме, Лазар Ристовски и Аница Лазиќ се во врска веќе неколку години и не ги коментираат негативните реакции од јавноста. Својата романса ја криеле околу една година, а започнала по неговиот развод со Даница Ристовска, со која има два сина.
Нивната врска од самиот почеток привлекува големо внимание, а тие нагласуваат дека се среќни и складни, без оглед на разликата во години.
Аница претходно открила како започнала љубовната приказна со Лазар Ристовски, наведувајќи дека се запознале без посредници и дека нивната врска започнала уште од првиот поглед.
