Џон Бон Џови отвори ресторан, кој нема цел профит, туку позадината е хуманитарна.
Тој ја води непрофитната организација „Soul Kitchen“, преку која се грижи оброк да добие секој кој не може да си го дозволи. Таму храната нема цена. Оние кои немаат пари може да јадат бесплатно и да компензираат со волонтирање во кујната.
Оние кои имаат пари може да донираат 20 долари и со тоа да помогнат во набавка на намирници. Ресторанот на Бон Џови работи под слоганот „Сите се добредојдени на нашата маса“.
Сите гости јадат на иста голема маса, а приоритет имаат сиромашните и гладните. Менито се менува на секои десет денови, а има опција и за безглутенска и вегетаријанска варијанта на храната.
