Босанско-српската пејачка Анабела Атијас, поранешна членка на групата „Фанки џи“, имала многу тешко детство, а поради одредени тешки ситуации во еден момент морала да побара помош од психотерапевт, пишува „Курир“.
„Бев на една од терапиите, на која требаше да се грижам за детето во себе, да разговарам со неа, да плачам со неа. Имав точна слика за себе кога имав три, четири години. Ми се вратија сите детали за мојата куќа во Босна, дури и го чувствував мирисот на куќата. Морав многу да работам на детето во себе бидејќи тоа беше повредено“, изјавила пејачката.
Таа нагласи дека процесот не бил лесен.
„Бев принудена да сфатам дека девојчето за кое плачев, кое во еден момент умираше од болка пред мои очи, ниту еден родител не го прави тоа свесно, тие прават најдобро што можат, навистина го разбрав тоа. Благодарам за сѐ, дури и за таа траума, затоа што ме направија тоа што сум, а тие фрустрации нѐ прават посилни. Тоа беше чудо за мене, како да дишев и извадив некоја кожа што ме стегаше, но не беше моја“, се присети Атијас.
