Српската шоубизнис сцена деновиве ја тресе нов љубовен скандал меѓу манекенката Софија Милошевиќ и фудбалерот Лука Јовиќ.
Како што пренесува Стори, тие започнале тајна врска која досега успешно ја криеле, најмногу бидејќи младиот фудбалер на Реал Мадрид сè уште официјално е со досегашната партнерка Анџела Маниташевиќ, со која не се во брак, но го имаат седуммесечниот син Давид.
Софија е една од најатрактивните и најуспешни српски манекенки, а очигледно бара и такви мажи – способни, успешни и остварени.
Отсекогаш сакала спортисти, па за нејзиниот избор веројатно многумина и не биле изненадени, иако нејзината романса има отежителни околности со оглед на тоа што Јовиќ сè уште не „расчистил“ со досегашната партнерка.
Пред Јовиќ, Софија била со неколку познати мажи, а најдолго со фудбалерот Адем Љајиќ. Покрај него, ги потврдила уште и романсите со тенисерот Виктор Троицки и со синот на Боба Живојиновиќ, Филип.
Односите со другите мажи со кои е поврзувана никогаш не ги потврдила, а скоро сите се познати личности.
