Лаврин Кокс (47) ѕвездата на серијата „Портокаловата е нова црна“, на вчерашната премиера за „Ангелите на Чарли“ во Лос Анџелес, ги шокираше обожавателите со модната комбинација. На црвениот тепих таа се појави во проѕирен фустан без долен веш. Комбинацијата ја надополни со проѕирни штикли, а брадавиците ги прекриј со две црни ленти.
Во серијата глумеше фризерка и затвореничка по име Софија Бурсет, а исто така таа е првата трансродова жена која добила восочна фигура во музејот Madame Tussauds.
И покрај тоа што се родила како маж, таа секогаш се чувствувала како жена, а стигна и на првото место на Guardian World Pride Power листата која ги истакнува највлијателните ЛГБТ личности на светот.
„Мислев дека светот никогаш нема да ме прифати таква каква што сум. Веќе напишав и проштални пораки во кои барам да ми се обраќаат како на жена после смртта. Мило ми е што останав жива“ , раскажала Кокс која во средно училиште била изложена на насилство од своите врсници. Колку сакала да „искочи“ од сопствената кожа зборува и фактот дека размислувала за самоубиство откако се вљубила во момче.
