Некогашниот супермодел Синди Крафорд прослави 22 години од бракот со партнерот Ранде Гербер со кој има две деца, ќерката Каја и синот Пресли.
„Среќна нека ни е годишнината. Пред точно 22 години заминавме со група пријатели на Бахамите и го рековме судбоносното „ДА“. Те љубам и го сакам животот кој го живееме заедно!“, му порача прекрасната Американка на својот сакан преку Инстаграм.
На фотографијата таа и Гербер еден до друг се хранат со свадбена торта декорирана со листови од црвени рози. Романтичен бил и познатиот бизнисмен кој на својата драга исто така ѝ ја честитал годишнината преку инстаграм-објава:
„Пред 22 години се обврзав заедно да летам со тебе Синди, од тој момент не го напуштив тој лет. Среќна годишнина!“, напишал тој.
