Прославениот фолкер Џеј Рамадановски почина денес на 56-годишна возраст поради проблеми со срцето.
Иако е роден во Белград, Џеј имаше македонско потекло, односно неговите родители биле Роми од Ресен. За веста која го растажи целиот Балкан, многумина прокоментираа дека тој починал токму на денот кога ја отпеа својата позната песна и голем хит „Недела“.
„Недела, и сите сте тука, а јас не сум со вас“, гласат стиховите на песната.
https://www.youtube.com/watch?v=3eMwN2K7tNc
Малкумина знаат дека на славниот пејач, неговата наставничка му помогнала најмногу во животот и дека тој ја гледал како негова мајка.
„Џеј одеше во нашето училиште, негов учител беше Даница Пекиќ. Таа го пронајде како плаче на улица и го донесе на училиште. Тој рече дека таа за него била како мајка и дека да не беше таа, тој никогаш немаше да тргне по вистинскиот пат. Даница му купи книги, облека и се грижеше за него. Беше на училишната прослава, па низ солзи зборуваше за Даница, многу ја сакаше“, изјавил за „Блиц“ претходно Драгомир Ивановиќ.
