Скопскиот поп-рок состав „Фикшн“ објави видео-запис за својата четврта песна наречена „Дали се знае?“.
Песната ги спојува звуците на поп-музиката од ’80те и ’90те години, со модерниот рок звук, а текстот и мелодијата се дело на Виктор Захариев, гитаристот на бендот.
Аранжманот за песната е направен од сите членови на бендот: Петар Ѓуревски (вокал), Виктор Захариев (гитара), Филип Андонов (гитара) и Теодор Теодосиевски (тапани). Аудио продукцијата е на Виктор Захариев и Виктор Георгиевски, кој е одговорен и за миксот и мастерот на песната.
