Били Зејн бил фотографиран во непрепознатливо издание на плажа во Малибу, додека се дружел со Овен Вилсон.
Кариерата на холивудскиот актер Били Зејн ја одбележа улогата на тајкунот Каледон во филмскиот класик „Титаник“, а сите го паметат како главен негативец.
Во 1997-та година тој ја добил улогата на „расипаниот“ тајкун чија главна цел беше да се венча со Роуз која што ја глумеше Кејт Винслет, а чие срце во филмот го освои сиромашниот лик на Џек – Леонардо ди Каприо.
„Сонот на секој актер е да биде дел од еден таков филм, тоа беше благослов, но во исто време познато е дека во Холивуд ретки се тие кои што ризикуваат. Сите играат на сигурна карта затоа што во прашање се големи пари. Поради тоа, кога ќе дојдете на аудиција, знаете каков вид човек бара продуцентот. Јас оттогаш станав синоним за злобно момче – негативец. Таква ситуација на крајот ве тера да станете поиновативен, да снимате независни, но и вистинити филмови“ – изјавил 54-годишниот Зејн.
Били некогаш го крадел целото внимание кај жените, со својата густа, темна коса, меѓутоа оттогаш до денес многу работи се промениле.
Во тоа може да не убедат и последните фотографии каде што актерот се гледа дека е ќелав и дека има вишок килограми.
Што се однесува до љубовниот живот на Били, тој бил во брак со Лиса Колинс од 1989-та до 1995-та година, а бил верен и со актерката Леонора Варел.
Ја запросил и колешката Кели Брук, но со неа се разделил во 2008-та година. Потоа бил во врска со хрватскиот модел Јасмина, но врската не траела долго.
По многуте неуспешни врски, актерот ја запознал Кендис Нели, со која што има две ќерки и со која што моментално е верен.
