Познатата актерка во интервју во емисијата „Entertainment Tonight“ изјавила дека веќе подолго време е во потрага по емотивно компатибилен партнер, но дека нема заинтересирани кандидати.
„Веќе 10 години сум сингл. Изненадувачки сум слободна“, изјавила убавата актерка. Ова не е првпат таа отворено да зборува за својата љубовна ситуација. Изненадена е што многу мажи се плашат од нејзе, бидејќи е една од ретките жени која никогаш не се двоумела околу тоа јасно и гласно да го каже своето мислење.
Таа со нив разговара без цензура, со правилно дозиран хумор.
„Сепак, треба храброст за да седнеш спроти мене“, со насмевка изјавила Шарлиз.
Нејзина последна врска е со актерот Шон Пен, а пред него беше во врска со Стјуарт Таунсенд. Ја поврзуваа и со Бред Пит, но за кратко време и таа и тој ги демантираа тие наводи.
