Шарлиз Терон навредена од понудата за улога во „Wonder Woman“. На оскаровката не ѝ била понудена главната улога во филмот. Наместо тоа, ѝ било понудено да ја глуми мајката на Дијана (Wonder Woman), кралицата Хиполита, додека Дијана ќе ја глуми Гал Гадот, која е скоро една деценија помлада од Шарлиз.
Во шоуто „Watch what happens live“, 43-годишната актерка рекла дека оваа понуда ја смета како навреда.
„Ова е пример како Холивуд ти удира шлаканица кога почнуваш да старееш.“
Терон ја одбила улогата, а во новото продолжение на „Wonder Woman“, Хиполита ќе ја глуми 53-годишната актерка Кони Нилсен.
