Словенечката музичка ѕвезда Сенида Хајдарпашиќ, како што пренесуваат српските медиуми, сериозно размислува да си купи стан во Белград и конечно да се скуќи во српската метропола.
Според информации од агенти за недвижности, Сенидах се интересирала за луксузен стан во елитен дел од Белград, со неверојатен поглед и модерен ентериер. Вредноста на недвижнината е околу 360.000 евра.
– Во оваа зграда се најубавите станови. Погледот вреди милион долари. Сенидах се интересираше за еден од нив и веруваме дека ќе го купи. Цената е „ситница“ за луксузот што се добива. Знае таа што вреди – изјавил агент за недвижности.
Иако официјална потврда сѐ уште нема, се претпоставува дека Сенидах сака да си обезбеди свој дом во Белград, особено бидејќи е еден од најбараните изведувачи на српската музичка сцена.
Пејачката никогаш не криела дека е емотивно врзана за Белград – и професионално и приватно. Кога неодамна ја започна својата музичка турнеја токму од белградската сцена, искрено откри зошто:
– Тоа никој не ме прашал – зошто баш Белград? Затоа што овде сѐ почна. Тука публиката прва ме прифати. Јас сум им должна да им се оддолжам. Овде се моите пријатели и моето второ семејство – изјави Сенида.
