Пејачката Селма Бајрами со години води борба за старателството над својот син Дарис, а сега на трогателен начин покажа како ѝ се јавува синот – преку коментар на ТикТок – бидејќи таткото не му дозволува контакт со мајката.
„Мамо, јас сум Дарис, твојот син. Сакам ова да ти го напишам затоа што ми недостасуваш, но ние ќе се видиме,“ стои во коментарот што Селма го сподели со своите следбеници.
Во описот на објавата на Фејсбук, Селма појасни за што станува збор:
„Вака мојот син ја изразува љубовта кон мене… Со коментар на ТикТок. Зашто татко му му се заканува дека ќе му ги забрани игрите и ќе му го одземе телефонот ако ме побара. Што да се каже на ова?“, напиша пејачката.
Селма Бајрами и претходно јавно зборуваше за својата долготрајна судска битка за старателството над синот Дарис. Таа тогаш откри дека, со правосилна одлука, старателството му било доделено на таткото.
