Македонската јавност ја памети Марија Груевска по нејзините настапи на „Ѕвездите на Гранд“. Секогаш оригинална и своја пејачката ја понесе титулата – најестравагантна учесничка на најпопуларното балканско музичко шоу.
Еднаш се појави со змија-питон околу вратот, пееше и во лудачка кошула, но и облечена како за во кабаре, секогаш своја и уникатна Марија овој пат има малку поинаков, но многу убав повод за славење. Имено, пејачката се сврши со своето момче Синиша Стојаноски.
Пејачката на својот фејсбук-профил ја објави првата фотографија од свршувачката со Синиша. По објавата следеше лавина од коментари и честитки од своите колеги, семејството и пријателите.
