Поранешниот сопруг на Рушка Јакиќ, актерот и водител Дејан Ѓуровиќ, почина во 88. година од животот. Веста за неговата смрт ја изненади и растажи Рушка, која со него не била во контакт во последните години. Таа не го криеше шокот поради трагичната информација.
„Не знам, не сум слушнала. Леле, многу ми е жал ако навистина починал. Навистина ми е многу жал“, изјави таа збунето за српски „Блиц“, па додаде:
„Ние со години не сме во контакт. Баш пред неколку дена размислував за него каде ли е, што ли прави… Многу ми е жал ако тоа е вистина. Тој во последните години многу се повлече, се изолираше и ништо не знаев за неговиот живот. Беше многу добар човек, навистина ми е жал.“
„Дејан беше мојата најголема љубов“
Дејан Ѓуровиќ остави силна трага и во приватните животи на луѓето кои го сакале. Водителката Рушка Јакиќ во една прилика зборуваше за нивниот однос, истакнувајќи дека тој бил нејзината прва и најголема љубов.
„Дејан Ѓуровиќ беше мојата прва и најголема љубов и мој прв сопруг. Тој беше актер, долго време ја водеше емисијата ‘Драгстор на сериозна музика’ и глумеше во култниот филм ‘Во сабота навечер’. Работеше во Радио Белград, а јас и не знаев дека некој постојано оди по мене, но тој немаше храброст да ми пријде“, раскажа таа тогаш.
Подоцна, како што откри Рушка, Дејан ја покажал својата наклонетост на посебен начин:
„Испрати еден свој пријател да ми каже дека сака да се запознае со мене. Јас го прашав: ‘Зошто самиот не се запознае?’ Така започна сè. Тоа беше голема љубов – ми пишуваше по пет писма дневно. Се забавувавме цели пет години, а во брак бевме нешто повеќе од една година“, изјави водителката.
