Српската пејачка Радмила Манојловиќ (38) со години е на музичката сцена, а покрај исклучителната линија, добриот глас и секогаш позитивна енергија, пејачката ја поврзуваат и со доцнењето.
Манојловиќ е често критикувана дека не дошла во договореното време, а сега по долго молчење откри зошто доцни каде и да оди.
„Имам свои причини. Уште од врската со Милан Станковиќ, имам голем страв од новинарите и фоторепортерите. Се плашам дека ќе ме чекаат и ќе ми постават прашање кое целосно ќе ме исфрли од колосек. Затоа најчесто доаѓам во последен момент или малку доцна за да го избегнам тоа. Во суштина, не само што доцнам во авион, доцнам и за сè друго“, искрено изјави пејачката за „Гранд“.
Да потсетиме, Манојловиќ своевремено откри дека токму нејзиното често доцнење ја чинело губење на членството во жирито на шоуто „Неки нови клинци“.
„Доцнам затоа што работам. Што да правам? Жал ми е што не можам да им угодам на сите. За да си го зачувам здравјето и да не се стресувам себеси и другите поради моите доцнења, најдобро е повеќе да не бидам дел од жирито“, изјави тогаш Манојловиќ за „Ексклузив“.
