Кралицата Елизабета прв пат официјално се појави во јавноста по неочекуваната одлука за напуштањето на кралската должност на принцот Хари и војвотката Меган Маркл.
Кралицата, која сега прослави 68 години на престолот, ја посети Кралската воздухопловна база во местото Мархам, на истокот од Англија.
Беше ова нејзиното прво официјално излегување откако нејзиниот внук Хари и неговата американска сопруга Меган ја шокираа јавноста со повлекувањето со цел да поминуваат повеќе време во Канада и САД, пренесува Ројтерс.
Кралицата донесе одлука дека парот повеќе нема да биде дел од британската монархија, дека повеќе нема да ја има титулата „кралско височество“ и дека ќе биде финансиски независен.
The Queen’s out on her first official engagement of the year. She’s at @RAF_Marham in Norfolk from where the airforce flies the new F-35B jets. There are 3600 people who work at the base ✈️ ? pic.twitter.com/HntBdvxMhz
— Chris Ship (@chrisshipitv) February 3, 2020
Од нејзиното последно јавно појавување, кралицата го обнови својот однос со другиот син, принцот Едвард. Во текот на посетата на Кралската воздухопловна база Мархам кралицата беше облечена во праска боја, додека се смешкаше во текот на ракувањето со вработените.
Базата Мархам, која ја сочинуваат повеќе од 3.600 луѓе, е основана во 1916 година со цел да го брани британскиот округ Норфолк од Германија во текот на првата светска војна.
Мархам исто така е дом на ловечките авиони F-35B.
Принцот Чарлс и неговиот најстар син принцот Вилијам служеле тука како пилоти, додека принцот Хари и леташе во текот на неговата десетгодишна воена кариера во Кралската воздухопловна база, која ја заврши во 2013 година.
