Српскиот пејач Аца Лукас отворено зборуваше за естрадата, улогата на член во жири-комисија и односите со колегите, меѓу кои и со Светлана Цеца Ражнатовиќ, со која зад себе има неколку запаметени дуети.
Лукас се појави на снимање на музичкото шоу „Хајп ѕвезди“, каде најави дека ќе биде „строг, но правичен“ кон натпреварувачите. Според него, повеќето кандидати веќе покажале квалитет на аудициите, но советува да не бркаат „големи височини“, туку да уживаат во моментот.
„Ако си опуштен и ти е убаво, тоа е најважно. Ако постојано трчаш по нешто, од тоа нема ништо“, изјави тој.
Говорејќи за своите претходни жири-искуства, Лукас посочи дека не сака да ги споредува со актуелното, но индиректно критикуваше дел од денешните телевизиски формати, оценувајќи дека недостигаат впечатливи личности на сцената.
Во осврт на деведесеттите години и денешната состојба на естрадата, тој рече дека времињата не биле побезбедни тогаш отколку денес, но избегна подетални коментари за актуелните случувања.
Прашањето за односите со Цеца се обиде да го избегне со насмевка, иако новинарите потсетија дека нивните заеднички песни и понатаму важат за хитови. Наместо директен одговор, Лукас наброја други соработки – со Данијела Враниќ, Ана Николиќ, Јелена Карлеуша и покојниот Џеј Рамадановски – истакнувајќи дека има многу успешни дуети и песни.
„Имам многу убави песни. Простете ми за моето грдо минато, така се вели… Грешев“, изјави Лукас, алудирајќи на одредени односи и постапки од минатото.
Иако не навлезе во детали, неговата изјава повторно ги отвори прашањата за односите меѓу поранешните блиски соработници на регионалната естрада, чија музичка соработка и денес има силна публика.
