Британскиот модел Мадалин Дејвис се качила на карпа со пријателите за да направи добро селфи од заоѓањето на сонцето. За жал таа се лизнала и ѝ исчезнал секој траг, семејството смртта ја објавило во саботата.
„Изгледа дека Меди седела на работ од карпата за да се сликне, кога паднала. Тоа е огромна трагедија. Беше живот и душа од девојка, секогаш се трудеше убаво да си поминат сите. Сакаше да види и направи се за да се забавува, тоа ја доведе и до кобната несреќа“, рекла Лидија Вудвард, семејната пријателка на британската манекенка Мадалин Дејвис (21).
Манекенката наводно се преселила од Англија во Австралија. Во саботата вечер таа присуствувала на прослава во близина на Сиднеј. Околу 18:30 часот одлучила да се качи на популарната карпа Diamond Bay за со пријателите да го види зајдисонцето, пренесува Daily Mail.
Тие се качиле на карпата и ја прескокнале оградата за да седат на работ на местото популарно за фотографирање. Мадалин потоа тргнала да направи селфи, но се лизнала и паднала од 30 метри високата карпа.
После тоа ѝ се изгубил секој траг.
Нејзината мајка Ребека Смит очајнички пробувала да ја добие откако сфатила дека Мадалин веќе подолго време не ѝ се јавила. Ги молела пријателките да и помогнат во пронаѓањето.
„Дали некој ја видел Меди? Не успеав да ја добијам, ве молам јавете се доколку вчера вечер сте биле со неа“, објавила на дружтвените мрежи таа.
Спасувачите го пребарале цело подрачје, а телото на Мадалин било пронајдено во саботата околу 22:30 часот.
Во понеделник наутро нејзиното семејство ја објави смртта на нивната сакана ќерка и се заблагодари на сите пријатели за изразеното сочувство и убавите зборови.
„Не знаеме кој ќе отиде во Австралија поради идентификација на телото. Се уште ни е рано. Поминаа само 24 часа откако нашата Меди почина“, изјавило семејството.
Мадалин само месец дена пред смртта им рекла на своите пријатели дека се забавува како никогаш досега во животот и дека нема намера да се врати во Британија. На инстаграм-фотографијата од Тајланд напишала:
„Не можам да верувам дека веќе месец дена патувам! Не се свртев кон минатото ниту еднаш, иако ми недостига старата работа. Многу сум возбудена поради својата иднина!“.
