Поранешниот член на познатата група „Масив атак“, Трики, преку друштвените мрежи соопшти дека неговата ќерка Мејзи Мина починала на 8 мај.
„Мислев дека знам што е загуба, но сега мојата ќерка замина. Сфатив дека немам претстава што е тоа. Се чувствувам како да сум во свет кој не постои, знаејќи дека веќе никогаш нема да биде исто. Ниту еден збор или текст не може да го објасни тоа – мојата душа е празна“, напишал пејачот.
Во потресниот пост Трики додал:
„Твоите зборови и песни ќе живеат, јас ќе се погрижам за тоа. Немав сила ни да ја погледнам твојата слика досега, луѓето ќе го слушнат твојот глас и песните. Ти си моето срце – она што остана од него. Те сакам Мејзи Мина, тато“, го завршува потресното обраќање Трики.
Објавата е проследена со албум од фотографии од животот на Мејзи Мина. Причината за смртта сè уште не е позната.
Mina Mazy Topley-Bird19.03.1995 – 08.05.2019 Tricky: I thought I knew what loss was, but now my daughter is gone I…
Publiée par Tricky sur Mardi 28 mai 2019
