Пејачката Марија Микиќ неодамна се разведе од сопругот Јован Пантиќ, со кого има две деца. Нивниот развод го изненади јавноста, бидејќи на социјалните мрежи постојано објавуваа заеднички фотографии и видеа, оставајќи впечаток на хармоничен и стабилен брак.
Иако одлучиле да се разделат, останале во добри односи. Но, јавниот коментар на Јован под последната објава на Марија предизвика вистински бум.
Микиќ моментално е на одмор со децата и од таму редовно објавува фотографии. На една од нив, каде што е ќерката Ѓурѓа, пејачката напиша: „Вели дека сака да биде како мама“.
Пантиќ не остана рамнодушен и под фотографијата ѝ напиша коментар: „Јави ако сакаш уште едно“.
Коментарот доби голем број лајкови, но од Марија – ниту збор. Не реагираше јавно, а фановите беа збунети од ваквата отворена порака.
Потсетуваме, при објавувањето на разводот, двојката порача дека „приоритетите им се разишле“, но дека остануваат посветени родители. Сепак, ваквите коментари отвораат прашања – дали зад сцената сè уште постојат емоции?
