Пејачката Марија Шерифовиќ, откако официјално ја прекина соработката со „Гранд“, реши да си подари одмор и да го замени врелиот белградски асфалт со луксузна летна дестинација.
На одмор замина заедно со својот полубрат Даниел Павловиќ, но таму ги снајде непријатност – се отруле со храна.
Како што откри Марија во нејзиниот најнов влог, откако јаделе во познат ресторан за брза храна, во текот на ноќта ѝ се слошило, а истите симптоми ги имал и Даниел.
– Имам да кажам дека ноќеска едвај преживеав, ми беше многу тешко и никогаш повеќе не одам таму. Како да јадевме камења, не помогнаа ни кисела вода, ни сода бикарбона, фуј – раскажа пејачката.
За среќа, Марија и Даниел сега се чувствуваат добро, а труењето не оставило посериозни последици. Веќе следниот ден продолжиле со одморот и уживањето.
