Поранешната девојка на принцот Хари проговори за врската: Беше застрашувачко и непријатно

Поранешната девојка на принцот Хари, Челси Дејви опиша како се чувствувала во текот на седумте години од нивната врска. Таа не можела да се справи со медиумскиот притисок, изложување и папараците кои го следеле секој нејзин чекор.

Бизнисменката родена во Зимбаве, првпат започнала да се забавува со Хари уште во 2004 година, а пред неколку години за „Тајмс“ раскажа низ што поминувала за време на романсата, пишува „Мирор“.

Извор: EPA-EFE/TOBY MELVILLE / POOL

„Да, беше тешко. Беше премногу застрашувачко и непријатно. Ми беше многу тешко кога ситуацијата беше лоша. Не можев да се справам со тоа. Бев млада, се обидував да бидам обично дете и за мене, тоа беше беше ужасно“, изјави таа во 2016 година.

Нивната врска беше опширно опфатена од медиумите во тоа време, а сега темата повторно се актуелизираше откако принцот Хари во серијата на „Apple TV+“ која ја обработува темата за ментално здравје „The Me You Can’t See“ со Опра Винфри, отворено зборуваше за вознемиреноста што ја чувствувал имајќи предвид дека е мета на медиумите целиот негов живот.

„Не живеев во опкружување каде можев да разговарам со некој за тоа како се чувствувам, беше нормално тоа да се потиснува. Секогаш кога ќе го облечев своето одело, ќе ја ставев вратоврската и кога ќе тргнев да ја одиграм мојата улога, добивав панични напади, се препотував, срцето ми лупаше како лудо… од 28-та до 32-та година од животот, тој период беше мојот кошмар“, изјави Хари, додавајќи дека секогаш кога ќе влезел во автомобил и ќе забележал камера, паничните напади започнувале.

Instagram

Покрај фактот дека приватниот живот на принцот Хари отсекогаш бил премногу интересен за светската јавност, истиот проблем го имала и неговата тогашна девојка. Во тој период фотографии од нејзините излегувања по ноќните клубови постојано завршуваа во весниците, а тоа, заедно со стресот што е во врска со член на кралското семејство, придонело врската да заврши.

„Сакам да уживам во животот, но и да постигнам нешто затоа што сум многу амбициозна. Тие не знаеја колку навистина работам затоа што не зборував за тоа гласно. Но, еден ден ќе излезеш да се забавуваш и има слика. Папараците не фотографираат кога одиш на работа секое утро, па изгледа како само да се забавувам“, во тоа време истакна Челси.

Двојката раскина во 2011 година кога Челси сфатила дека таков живот не е за неа, но тие останале пријатели по раскинувањето. Челси исто така беше на венчавката на принцот Хари и Меган Маркл.

Слични објави

Кун од ДВА БОНА заљубен до уши! Погледнете како изгледа неговата девојка! (ФОТО)

Васко Спасоски

МУ СЕ ПОСРЕЌИ: Му ја врати бурмата по пошта, а сега и тој добро се ожени

Igor

Жена-херој: Лепа Брена му го спасила животот на синот Стефан

Igor

МАРИЈА ШЕРИФОВИЌ го напушта ГРАНД поради БЕБЕ: Ќе станам МАЈКА и ќе го чувам детето САМА!

Igor

Едноставна елеганција: Брижит Макрон во темно сино издание зачинето со нараквица (ФОТО)

Igor

Беа блиски пријатели: Јелена Карлеуша вчера објави заедничка фотка со Тоше Проески (ФОТО)

Васко Спасоски

Остави Коментар