Во Ливерпул почна големото евровизиско шоу. Во финалето ќе настапат претставници на 26 земји.
Франција, Германија, Италија, Шпанија и Велика Британија ја сочинуваат големата петорка, а директен пласман во финалето имаат и минатогодишните победници – претставниците на Украина. По двете полуфинални вечери, пласман во финалето обезбедиле 20 земји: Хрватска, Молдавија, Швајцарија, Финска, Чешка, Израел, Португалија, Шведска, Србија, Норвешка, Албанија, Кипар, Естонија, Белгија, Австрија, Литванија, Полска, Австралија, Ерменија, Словенија.
Во топ 10 според обложувалниците се Норвешка, Шведска и Финска, Украина, Израел, Шпанија, Франција, Италија, Велика Британија и Австрија.
Други пак велат дека главен фаворит кај обложувалниците годинава е Шведска, која по втор пат ја претставува Лорин. Таа веќе победи на „Евровизија“ 2012 година, а оваа година настапува со песната „Tattoo“.
