Американскиот актер Питер Фонда, познат по моторџискиот филм од 1969 година „Голи во седло“ (Easy Rider), почина по борбата со карцином на белите дробови, соопшти неговото семејство
79- годишниот актер е брат на познатата глумица Џејн Фонда и син на легендарниот актер Хенри Фонда.
– Многу сум тажна. Тој беше мојот брат со меко срце. Говорникот на семејството. Деновиве поминав прекрасно време со него насамо. Замина смеејќи се“, рече неговата сестра Џејн Фонда во изјавата.
Славата на „Голи во седло“ се покажа и како благослов и како проклетство за Фонда, кој следните три децении се мачеше да го повтори својот успех како актер и како режисер, сè додека во 1997 не го сними „Златото на Ули“, во кој глумеше храбар пчелар од Флорида. Доби номинација за Оскар за најдобар актер, но загуби од Џек Николсон („Најдобро што може“).
