Нивес Целзиус со своите пријатели на Инстаграм, сподели видео кое настанало на снимањето на спотот за нејзината песна „Odjebando“ и покажа како се снимале „жешките“ сцени во спотот.
Во видеото гледаме како Нивес пее „брцкајќи“ се во детски базен на пумпање, а посебно внимание заработија нејзините „мајстори на бранови“ кои се грижеа водата околу нејзе да има бранови.
„Odjebando ми е можеби и најдраго направено видео и покрај тоа што снимањето не делуваше ветувачки. Среќа, мојот креативен гениј Радушин, во состојба беше од ова да направи тоа што го гледата во моите спотови… Што велите за мајсторите на брановите? А тука и сфатив дека сум прилично добра глумица. Прстите и устата ми беа сини од ладната вода, но јас баш уживам“, напиша пејачката.
Покрај вообичаените комплименти за нејзиниот изглед, фановите и ги коментираа и мајсторите.
„Мајсторите на бранови се најјаќи!“, искоментира најпопуларната хрватска навивачка Ивана Кнол.
„Кога човек страсно прави бранови“, „Најжестоки ми се овие бранови“, „Овие двајца што ги прават брановите не ни гледаат во тебе! Зошто?“, „Каде е мајсторот за затоплување на водата?“, беа само дел од коментарите.
