Спенсер Елден на своја четиримесечна возраст се појави на насловната страница на култниот албум на Нирвана „Nevermind“ од 1991 година. Во интервју за „The Guardian“ во 2015 година, тој изјави дека неговите родители добиле само 200 долари за фотографијата.
Истиот тој, Спенсер Елден, бебето од насловната страница на албумот на Нирвана насловен „Nevermind“, сега има 30 години и ги тужеше членовите на бендот, обвинувајќи ги за сексуална експлоатација и детска порнографија.
Елден тврдеше дека уметничкото дело претставува сексуална злоупотреба на деца и дека претрпел „доживотна штета“ од излепувањето на неговото голо тело на корицата на албумот.
Судијата Фернандо М. Олгуин од Калифорнија во понеделникот ја отфрли тужбата против Нирвана, откако Елден го пропушти крајниот рок на 30 декември да поднесе одговор на барањето на Нирвана за разрешување.
View this post on Instagram
Судијата го отфрли случајот „со дозвола за измена“ – што значи дека Елден и неговите адвокати имаат рок до 13 јануари повторно да го поднесат случајот. Доколку го пропушти рокот, случајот ќе биде отфрлен без предрасуди и затворен.
Во барањето за разрешување, кое беше поднесено пред две недели, Нирвана тврдеше дека наводите на Елден немаат основаност и мирисаат на „апсурдно“ грабнување пари.
