Турскиот бизнисмен Садетин Саран е во центарот на медиумското внимание, откако во јавноста се појавија информации за негов наводен интерес кон српската пејачка Јелена Карлеуша. Сепак, ова не е првпат неговото име да се поврзува со контроверзии.
Саран, кој е познат и како поранешен партнер на пејачката Емина Јаховиќ, но и како претседател на спортскиот клуб Фенербахче, минатата година бил приведен во рамки на истрага поврзана со наводна употреба и посредување во набавка на наркотични средства.
Според информации објавени од британскиот сервис Би-Би-Си, Саран дал исказ пред обвинителството во Истанбул, при што сослушувањето траело околу два и пол часа. Потоа бил упатен на дополнителни анализи во форензички институт, каде што му биле земени примероци од крв и коса.
Против него биле изнесени обвинувања за „користење“, „набавка“ и „олеснување употреба“ на наркотични средства, што тој јавно ги негирал.
„Никако не можам да бидам поврзан со нешто такво“, изјавил Саран за медиумите.
Во јавноста е познат и по кратката врска со Емина Јаховиќ во 2018 година, која траела околу два месеци. По раскинувањето, нејзиниот тим соопшти дека двајцата се разделиле поради различни погледи на иднината.
Во меѓувреме, турските медиуми неодамна објавија дека Саран покажува интерес за Јелена Карлеуша, откако таа престојувала во Истанбул. Сепак, овие наводи не се официјално потврдени.
