Гвинет Палтроу привлече големо внимание на овогодишното доделување на Оскари, и тоа не само поради впечатливата модна комбинација. Актерката откри дека поради комплицираниот фустан имала прилично необичен проблем – цела вечер не можела да оди во тоалет бидејќи буквално морале да ја „зашијат“ во него. Свечената пригода, на која се појави првпат по повеќе од десет години, ја одбележа бела креација од модната куќа Giorgio Armani Privé.
Комплициран фустан со проѕирни детали
Фустанот што го носеше имаше смели отвори од страните, покриени со светкава проѕирна ткаенина. Поради кројот што ја следеше линијата на телото и сложениот дизајн, актерката објасни дека практично ја сошиле во фустанот за да ѝ прилега совршено.
Видео откри што се случувало зад сцената
Во видео објавено на јутјуб-каналот на нејзиниот бренд Goop, Палтроу ги сподели деталите од подготовките за црвениот тепих, вклучувајќи и видеоповик со ќерката Епл. „Прилично е едноставен, убав е“, рече за фустанот, додавајќи дека ја „зашиле“ во него. Токму затоа, како што призна, цела вечер не можела да оди во тоалет.
И покрај непријатноста, сè помина без проблем
И покрај оваа непријатност, актерката без потешкотии ја одработи својата улога на презентерка и притоа изгледаше многу елегантно. Стајлингот го надополни со дијамантски накит, бели чевли со високи потпетици и едноставно стилизирана коса.
View this post on Instagram
