Моника Левински е една од најконтроверзните политички фигури во САД, а не престанува да шокира и децении по аферата со Бил Клинтон.
Американскиот психолог Адам Грант на Твитер простави прашање „Кое е најлошиот совет за кариера кој некогаш сте го добиле?“
Она што никој не очекувал е дека Моника Левински ќе се јави со одговор меѓу првите. Нејзиниот одговор на оригиналниот твит гласи:
„Пракса во Белата куќа е одлична за твојата кратка биографија“, напишала таа, шегувајќи се на своја сметка.
Реакциите на твитот се едногласни, дека тоа е можеби најдобриот одговор на прашање некогаш објавен на Твитер.
За потсетување, Левински започна со својата волонтерска работа во Белата куќа на нејзина 22-годишна возраст, а три години подоцна беше обелоденет скандалот со аферата со тогашниот претседател, Бил Клинтон.
Оттогаш важи за една од најнеомилените фигури на американската политичка сцена, но очигледно добро се носи со тоа, штом умее да се шегува на своја сметка.
