Необјавена песна на рок-групата „Квин“, што на крајот од животот ја отпеал пејачот Фреди Меркјури (1946-1991), може да биде објавена во септември оваа година, соопштија членовите на бендот, Брајан Меј и Роџер Тејлор за Би-Би-Си.
View this post on Instagram
„Најдовме мал „бисер“ – оставина од Фреди на која малку бевме подзаборавиле“, рече Тејлор. Песната е одлична. Тоа е вистинско откритие, од 1989 година и мислам дека ќе излезе во септември, додаде тапанарот на бендот.
View this post on Instagram
Меј од своја страна објасни како е откриена и дека се плашелe oти песната со работен наслов „Face It Alone“ во еден миг била изгубена, но на крајот ја нашле и решиле да ја објават.
View this post on Instagram
„Ни се чинеше, никој не знаеше каде е… Иако ја имавме наоколу. Ја баравме повеќепати и веќе мислевме дека не може да се најде“, изјавил гитаристот на бендот, оценувајќи ја прекрасна и трогателна, вели музичарот.
Бендот има издадено 15 студиски албуми, и речиси 100 милиони примероци продадени ширум светот. Последниот студиски албум на „Квин“ беше објавен во 1995 година, четири години по смртта на Меркјури, кој почина од СИДА.
View this post on Instagram
И покрај смртта на вокалистот и заминувањето на басистот Џон Дикон, „Квин“ сѐ уште активно настапува со обновена постава. Во групата времено се менуваат Британецот Пол Роџерс и Американецот Адам Ламберт.
