Во кругот на најблиските пријатели најмладата сестра на Натали Грубовиќ, Марија Грубовиќ, вчеравечер се омажи за својот сакан Бојан.
Прославата се одвиваше во еден скопски ресторан, а невестата беше совршено стилизирана. Едноставна фризура, краток светкав фустан и елегантни балетанки, совршен избор за една невеста која сака да го помине својот најсреќен ден во танцување.
Прекрасната Марија максимално уживаше во свадбената прослава, танцуваше со своите сестри и својот сакан, па дури и запеа.
Натали и Радица беа главна придружба на Марија на подиумот за танцување. Натали за оваа пригода се одлучи за тесен портокалов фустан, a на својот инстаграм – профил сподели неколку од свадбената прослава.
Меѓу гостите на свадбата беше и водителката Елена Стефановска, којa на својот инстаграм – профил сподели неколку видеа од веселата атмосфера.
