Американската Академија за филмски уметности и науки ќе бара од учесниците на 94-тото доделување на Оскарите да покажат докази за вакцинација против коронавирусот и најмалку два негативни ПЦР-тестови, објави „Њујорк тајмс“.
Изведувачите и водителките ќе мора да поминат строги тестирања, но нема да мора да покажат доказ за вакцинација, наведува портпаролката на Академијата.
Доделувањето на престижните награди ќе се одржи на 27 март, а номинираните и нивната придружба ќе бидат сместени во делот за оркестар и партерот на театарот „Долби“, па нема да мора да носат маски.
View this post on Instagram
Оние кои ќе седнат на мезанинот најверојатно ќе мора да носат маски, бидејќи ќе бидат сместени многу блиску еден до друг.
View this post on Instagram
Во „Долби“ ќе бидат поканети 2,500 луѓе. Актерките Ејми Шумер, Реџина Хол и Ванда Сајкс ќе бидат водители на овогодинешното доделување на Оскарите, што ќе биде првпат три жени да ја водат оваа престижна манифестација.
