25 рецепти за 25.000 илјади вкусни и здрави навики со Cooking with Branko.
Ви подготвив екстра вкусен и здрав бар со јагоди за појадок. Можете да го комбинирате со ладно бадемово млеко или македонско кафе. Бомба од витамини и здравје за целото семејство, ни вели шеф Бранко Попоски познат како Cooking with Branko.
Потребни состојки:
– Еден филџан овес
– Еден филџан пченкарен корнфлекс
– Еден филџан пченкарно брашно
– 2 лажици кафеав шеќер
– 2 лажички природен путер од јатки по избор
– Половина лажичка сол
– Екстракт од ванила
– Растопен путер
– Свежи јагоди
View this post on Instagram
Начин на подготовка:
Во длабок сад, измешајте ги сите состојки освен свежите јагоди. Тавата за печење обложете ја со хартија, смесата додадете ја внатре, (оставете мал дел за од горе) со рацете формирајте кора со дебелина од околу 2цм. Над кората поставете ги јаготките, а над нив остатокот од смесата. Печете 40 мин на 180 степени. Овие овошни барови можете да ги јадете со сладолед од ванила.
Уживајте во овој вкусен овојшен бар запојадок или ужинка.
Добар апетит!
