Судењето на актерот Алек Болдвин кој беше обвинет за фаталното пукање поради кое почина снимателката Халина Хачинс на снимањето на филмот „’Рѓа“ во 2021 година, заврши во понеделникот, при што обвинителот официјално ја повлече жалбата за отфрлање на случајот.
Болдвин е ослободен
Ова лето Болдвин беше ослободен од обвиненијата за убиство од небрежност. Судијката Мери Марлоу Сомер го отфрли обвинението во јули, велејќи дека обвинителите и полицијата не успеале да го докажат потеклото на куршумот што ја убил Хачинс. Хана Гутиерез, одговорната за оружјето на сетот, е осудена на 18 месеци затвор поради погрешно поставување на вистинскиот куршум, кој Болдвин го користел за време на снимањето.
Актерот не сака да ја види финалната верзија на филмот
„Не сум ја гледал финалната верзија на филмот и не планирам. Но, се надевам дека ќе биде објавен, дека парите ќе им бидат вратени на инвеститорите. Никогаш не сакате луѓето кои веруваа во вашиот проект да бидат оставени на цедило. Се надевам дека филмот ќе биде добар и дека Мет ќе ги добие своите пари, направивме договор со него и се надеваме дека ќе биде испочитуван. Луѓето кои велат дека ние профитираме од филмот мора да знаат дека тоа е апсурдно и погрешно“, изјави актерот.
Болдвин истакна колку е тешка целата ситуација за него и неговото семејство.
„Ова е очигледно најтешкото нешто со кое сум се соочил во мојот живот. Освен самите жртви, најмногу ме боли тоа што и беше направено на мојата сопруга. Се обидуваме да се поддржуваме еден со друг и да ги победиме овие работи бидејќи филмот засекогаш ќе остане во сенка на она што се случи“, рече тој.
