Калиопи откри каков однос имала со нејзините свекрви, мајките на поранешните сопрузи Ромео Грил и Васил Зафирчев.
-Имав прекрасен однос. Моите свекрви биле мои мајки, и свекрите. Секогаш сум имала прекрасен однос со тие и до ден-денес трае – рече Калиопи во емисијата „Нешто конкретно“.
Потоа ја спомена и нејзината мајка Марија, која била многу добар педагог, а никогаш не ѝ предавала. Рече дека со мајка ѝ е многу блиска, и може да зборува искрено, но е критички настроена. „Секогаш сум јас кривата во приказната“, рече Калиопи, а потоа зборуваше за предрасудите.
-Во мојот свет во кој јас живеам, сметам дека не постои ништо полошо од предрасуди. А, денеска многу брзо живееме, немаме многу време за размислување и емпатија и прво нешто што ни паѓа на памет е осудата.
Во нечии очи ме осудувале за многу работи.Но, тоа биле луѓе кои не ме познавале. Како научив да простувам во животот? Со тоа што јас ги разбирав луѓето зошто ме повредуваат.
И секогаш се прашував, зошто се тие толку несреќни кога си дозволиле еден таков чекор, на некој кој не го знаат да му судат и да постапуваат или да размислуваат лошо.
Сум се заштитила најверојатно интуитивно и несвесно. Во оној момент кога ти ги гледаш слабостите на луѓето и нивните неможности тогаш велиш: „Не можам да се налутам на ова“, рече Калиопи.
